Presidente Duterte mohatag og usa ka bilyon nga ayuda sa MCWD

Presidente Duterte mohatag og usa ka bilyon nga ayuda sa MCWD

by RPN News
70 views

Cebu City- Gibutyag ni Cebu City Mayor Edgardo Labella nga

mipasalig si Presidente Rodrigo Duterte paghatag og usa ka
bilyon ka pesos sa Metro Cebu Water District kun MCWD isip
ayuda sa pagsulbad sa krisis sa tubig.

Sa iyang mensahe atol sa Charter Day anniversary sa
dakbayan, miingon si Labella nga gipadangat sa Office of the
President ang komunikasyon pinagi kang Presidential Assistant
for the Visayas Michael Dino.

Ang nahisgotang kantidad gamiton sa pag-ayum-ayom sa
mga tubo o linya sa tubig sa MCWD sa Metro Cebu tungod kay
ang ubang tubo niini naestalar 30 ka tuig na ang nakalabay.

Sa nasayran, ang MCWD kanunay lang mag-ayo sa ilang
mga tubo hinungdan sa pagkaputol sa serbisyo sa daghang
lugar sa Metro Cebu.

Subling gihagit ni Labella ang bag-ong hunta direktiba sa
MCWD nga iyang tinudlo puli sa gi-terminate nga karaang
board tungod kay walay hibangkaagan pagsulbad sa krisis.

Buot sa mayor nga ipadayon sa MCWD ang desalination
projects aron mominos ang pagkuha sa groundwater ug
makahigayon pag-recharge ang natural aquifers.

Matod niya, karong tuiga ipadayon sab sa MCWD ang
kaugmaran sa Mananga Dam Project sa Talisay.

0 comment

Related Posts