Miapelar sa pagpangayo ug tabang ang amahan sa bedridden nga 20 anyos pa lamang nga babaye nga trending karon sa social media tungod sa kahimtang sa panglawas human naghimugso apan gibawian lang gihapon sa kinabuhi ang 6 month old premature baby niini nga gipanganak niadtong bulan sa Marso.
Kagahapon sa atong pagbisita kang MARIANICOLE DELOS REYES didto sa panimalay sa iyang amahan sa Purok 3, Sitio Gayas, Brgy. Sabang 3, taud-taud sunod-sunod nga nangabot ang pipila ka mga indibidwal nga mihatod personal sa ilang mga hinabang.
Nasayran gikan sa amahan ni Marian nga mao si MR. NICOLFE TUDTUD, 43 anyos, aduna’y ka live-in ug usa ka mason, nga ang iyang anak na diagnose nga aduna’y postpartum psychosis, electrolyte imbalanced hypocalcemia tungod usab sa problema sa pamilya ug sa nutrisyon sa panglawas gumikan sa kawad-on sanglit ang kita sa bana niini isip usa ka laborer igo lang kanila ug sa usa nila ka anak.
Matud pa ni Mr. Tudtud nga mibati ang iyang anak ug pagpanakit sa ulo ug sa suso, pagkabulag ug hilabihang pagniwang hinungdan nga dili na makatindog nga magduha na ka bulan nga nasakit.
Gumikan sa sitwasyon ug paglikay sa emosyon, nanawagan na lamang kini ug tabang alang sa anak.
Sumala ni Mr. Tudtud nga wala’y mga opisyales sa Purok ug sa ilang barangay ang nagpakabana sa kahimtang sa iyang anak. Apan, sa pakighinabi kagahapon ngadto sa Officer of the Day sa barangay nga mao si KAG. PHILIP VASQUEZ giingon niining wala’y pamilya sa hingtungdan ang miduol kanila sa barangay. Hinuon misaad kini nga posible karong adlawa mubisita sila sa mao nga pamilya diin sa nasayran on travel pa didto sa sugbo si Kapitan Evie Igbalic.
Sa gustong mupaabot ug mga tabang, mukuntak lang kang Mr. Tudtud sa iyang Cellphone No. 0938-447-1974. (Jun Salubre, Ronda 6, RPN DXKS Surigao)
(In an interview with the Father MR. NICOLFE TUDTUD and to KAG. PHILIP VASQUEZ)