Alagad lininaw man kaini, na kaipuhan an pan-gastos kan ospital tanganing magibo kaini an gabos na serbisyo sa namamanwaan, kaya saiyang pinag-isipan na patindugon an amusement park na iyo an kukuanan nin maintenance kan ospital, arog kan Sistema kan PCSO asin PAGCOR.
An budget tanganing maipagibo na an city hospital, naka-andam naman soboot hali sa senadora kan Iriga Sen. Leila de Lima na nagtagama nin fundo para digde.
Inot kaini, nagkaigua nin pagkaka-atraso an sinambit ng proyekto matapos na ini bagaton kan duwang city councilor asin sarong abogado sa paagui kan injunction asin TRO na hinahagad sa korte.
Alagad si alcalde Alfelor, nagpahayag na kaipuhan na sabay-sabay na magibo an city hospital asin amusement park , nganing igua nin kuanan nin gastuson an ospital.
Mientras tanto, ikinapikon man kan alcalde an bagong tarpaulin na nakatakod na nagsasabing “kin mig-utang a cuidad sa 275 milyones pesos, Ono ana boot ninyong gastusan city hospital O amusement park”. (Melvin Barayoga, RPN DZKI Iriga OIC)