Konsiderahon sa komite sa barangay affairs ni Konsehal Yan Lam S. Lim ang gipasaka sa barangay Gusa nga Pet Waste Ordinance.
Kini nagmando sa tanang pet owners paghipos o’ pagkolekta sa mga hugaw sa ilang binuhing kahayupan nga mabilin sa luna sa ubang tawo ingon man sa dalan, sidewalks ug ubang publikong lugar.
Ubos sa ordinansa, giingon nga kaakohan sa matag molopyo nga protektahan ang panglawas sa tagsa tagsa samtang giseguro nga ma-obserbar ang responsableng pagpanag-iya sa kahayupan ug tawhanong pagpanambal nunot sa Akta Republika 8485 o Animal Welfare Act ug Akta Republika 9482 kon Anti-Rabies Act.
Niini, ang mga pet owners kansang mga hayop masapon nga mangihi ug magkalibang sa luna sa ubang tawo o diha sa mga publikong lugar gimandoan paghipos o paglimpyo sa mga hugaw.
Kini nagpahamtangog multa alang niadtong masapong makalapas sa ordinansa.
Malaumon ang barangay nga pinaagi sa maong ordinansa maminusan ang presensya sa mga hugaw sa iro diha sa mga publikong lugar ug mamintinar ang kalimpyo sa ilang dapit.
(News & photo courtesy of Cagayan de Oro City Council)
