Gianunsyo no AGRI Party-list Representative Manoy Wilbert Lee karong adlawa nga moatras siya sa pagdagan isip senador sa Senado sa 2025 National ug Local Elections.
Sa usa ka press conference sa Manila, miingon si Lee ang dili igo nga makinarya sa pagpatuman sa malampuson nga kampanya ug motutok siya sa pagtabang sa AGRI Party-list sa reelection bid niini aron maseguro ang pagpadayon sa mga adbokasiya niini.
Matud niya sa iyang paglibot sa nasud, iyang nakita nga ang mga makinarya nga anaa sa kaniya karon dili igo aron maabot ang tanan niyang plano ug aron ipaila ug ipahibalo ang iyang mga paningkamot sa adbokasiya.
Dugang pa niini nga karon ang AGRI Party-list padayong nagdagan ug nagkugi pa aron matuman ang mandato niini isip representante sa sektor sa agrikultura ug mas nanginahanglan nga mga sektor sa katilingban. Karon hangtod sa pagtapos sa iyangg termino, mas tutokan niga ang gipasiugdahan sa AGRI Party-list nga naglakip sa dugang suporta sa agrikultura, proteksyon sa atong mga mag-uuma, mangingisda ug lokal nga prodyuser sa pagkaon nga atong gikonsiderar nga “food security soldiers”, aron makab-ot ang barato nga pagkaon para sa tanan.
Ang Bicolano nga magbabalaod nagpasalamat sa iyang pamilya, campaign team, supporters ug mga boluntaryo nga nakig-away kauban niya sa pagpadayon sa iyang mga kawsa alang sa katawhang Pilipino.
Kahinumduman nga si Lee ang unang mibutyag niadtong Septiyembre 2023 nga ang PhilHealth adunay dakong available nga pundo nga mokabat sa kapin sa P500 bilyones, gawas sa kapin sa P100 bilyones nga subsidy sa gobyerno matag tuig.
Kaniadto malampuson niyang giduso ang 30% nga usbaw sa benepisyo sa PhilHealth, nga gipatuman niadtong Pebrero 2024.
Ang makanunayon nga panawagan sa solon alang sa mas maayong benepisyo sa pag-atiman sa panglawas naghatag usab ug dalan alang sa laing 50% nga pagtaas sa mga benepisyo sa PhilHealth nga nagsugod niadtong 2025—libre nga dialysis, libreng eye check-up ug prescription glasses alang sa edad nga 0-15, libreng dental care, expanded coverage alang sa breast cancer treatment, bag-ong benefit package alang sa kidney transplant ug heart ailments, ug uban pa nga outpatient emergency care services, ug uban pa.
Ang AGRI Party-list, ubos sa pagpangulo ni Lee, nagpasiugda sa mga lakang sa lehislatibo aron mapanalipdan ang panginabuhian sa mga mag-uuma, mangingisda ug lokal nga mga prodyuser sa pagkaon, aron mahatagan ang mga long-term nga solusyon sa pagtaas sa presyo sa pagkaon, ug pagkab-ot sa seguridad sa pagkaon.
Lakip sa mga balaod ni Lee nga nag-unang mga awtorisado nga nahimong balaod mao ang Republic Act (RA) No. 11953 o ang “New Agrarian Emancipation Act”, RA 11985 o ang “Philippine Salt Industry Development Act”, ug RA 12022 o ang “Anti-Agricultural Economic Sabotage Act”.