31.8 C
Manila
Friday, April 12, 2024

Aggressive Community Testing (ACT) Sa Magkapirang Mga Piling Lugar Sa Camarines Sur, Lininaw Kan IATF Bicol

- Advertisement -

Iriga City — Lininaw ngunian kan Bicol-IATF na an kasuguan sa pagkundusir nin aggressive community testing- ACT sa piling mga banwaan asin cuidad sa rehiyon kan Bicol igua nin katuyuhan na mapababa an numero kan kaso nin Covid-19.

Iyo ini an pinaglinaw ni Atty. Anthony Nuyda, pamayo kan IATF asin regional director kan DILG matapos na maka-olay kan Radyo Ronda.

Sigun sa saiya, napagkasunduan kan konsejo sa presencia kan mga alcalde na ilansar an ACT sa pagtubod na dapat magin salbado an lambang komunidad O kaya mainaan an local transmission kan hilang.

Sinab kan opisya na iinuton na isa-irarom sa RT-PCR test an mga frontliners arog kan pulis, mga health care workers pasiring sa BHERT O barangay health emergency response team huli ta sinda an naka-frontiera sa pag-responde kun siisay an suspect asin probable sa covd-19.

Kabali sa mga banwaan na ikukundusir an ACT iyo an Canaman, Camaligan, Milaor, Pili, Baao, Buhi, Nabua anas kan Camarines Sur asin Guinobatan sa Albay mientras na an cuidad kan Naga asin Iriga, iyo man an mga cuidad na ibinali sa programa kan ACT. (OIC Melvin Barayoga)

(Source: DOH CHD Bicol 5)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -