Impakaammo ni Provincial Veterinarian Dr. Loida Valenzuela a dagiti Municipal Environment and Natural Resources Officer ti mangituding iti lugar a mabalin a pakaikalian dagiti baboy a naapektaran iti African Swine Fever.
Kunan a saan a mabalin a ti la adda a lugar iti pakaikalian dagiti baboy dagiti umili a naapektaran iti ASF. Kunana pay a masapul a 10 agingga iti 12 a kadapan ti kauneg iti pakaikalian ken adayu pay iti asideg ti pagayusan ti danum.
Dinakamat nga ehempo ni Dr. Valenzuela iti Sarrat a napintas iti lugar, nauneg iti pannaka kali na ken inikkan da pay ti “layering” na kas maiyataday iti Environmental guidelines wenno pagannurutan iti aglawlaw.
Dinaydayaw na gapu ta naurnos ken napintas iti lugar a kastoy koma iti tuladen dagiti dadduma nga ili ken ciudad. Innayonna a masapul a masurut dagiti umno a pagalagadan iti pannakaikali dagiti taraken a baboy a naapektaran ti ASF tapno awan iti mababbabalaw.
(Source: Provincial Government of Ilocos Norte)