30 C
Manila
Friday, March 29, 2024

Active Cases Sa Sarangani Province Nisaka Sa 73

- Advertisement -

Niabot na sa setentay tres (73) ka mga tao ang active cases sa COVID-19 sa probinsya sa Sarangani. Dako ang giubos sa gidaghanon sa nag-positibo sa lungsod sa Maasim apan nisaka ang ihap sa nag-positibo sa munisipyo sa Glan. Samtang ang nahunusan sa kinabuhi tungod sa COVID-19 ang niabot na sa onse (11) ka mga indibidwal.

Tulo (3) sa namatay nga konektado sa COVID-19 ang gikan sa Maasim, tulo (3) pud taga-Kiamba, tulo (3) usab gikan sa Glan ug duha (2) taga-Alabel.

Maong padayon ang panawagan ni Governor Steve Chiongbian Solon nga tumanon ang mga safety protocol. Basi sa mga testimonya sa COVID-19 survivors, lahi-lahi ang sintomas nga gagawas sa ilang lawas. May hilanat, ubo, sip-on, sakit sa ulo, pamuypoy sa lawas ug mga tiil, diarrhea, adunay dili makalasa sa gipangkaon. Naa gani dili na makatimaho bisan alcohol pay ipa-simhot. Naa usab mga walay sintomas.

Sa bahin ni Police Lt. Col. Neil Wadingan, ang labaw sa Sarangani Provincial Contact Tracing Support Group, gibutyag niini nga dili na hulaton pa nga naa pay mag-positibo sa usa ka area una pa mubuhat og mga pag-tracing ug uban pang lakang. Proactive na dapat matud pa ang taga-gobyerno katugbang ang komunidad sa pagmugna og mga kalihukan aron kapugngan ang pagdaghan sa matakdan sa Coronavirus. (Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -