Zamboanga del Sur – Ang Provincial Government of Zamboanga del Sur pinaagi sa buhatan sa Persons with Disability Affairs Office (PDAO) nagsugod na sa pagpahigayon ug accessibility audit sa mga pampublikong establisyimento aron maseguro nga kini accessible gayud sa mga persons with disability labi na gayud sa mga wheelchair users.
Kini nga accessibility audit pagahimoon matag tuig aron maseguro nga ang mga wala pay ramps and railings mahimuan na gayud ug ang mga nahimuan na mamintinar aron magamit ug mapahimuslan sa mga PWDs. Susamang accessibility audit usab ang pagahimoon sa Provincial PDAO ngadto sa mga munisipyo gamit ang PDAO Functionality Assessment Tool per DILG Memorandum Circular 041.
Tinguha gayud sa atong PWD-friendly Provincial Governor nga mahatagan gayud ang tanang sector ug greater access sa mga programs and services sa atong gobyerno kay katungod man sa tanan nga mahatagan ug access sa atong mga pampublikong buhatan!
(Source: ZDS Press Bureau, photos courtesy of Victory Zamboanga del Sur)