Cebu City – Human sa pipila ka buwan nga pagka sirado gumikan sa Covid-19, buksan sugod karong ang Basilica Minore del Santo Nino alang sa motambong ug misa nga mga parokyano ug mga deboto, Domingo, Agosto 9, 2020.
Subay niini, ang simbahan dunay mga importanteng pahibalo nga kinahanglang sundon sa mga maninbahay:
– No Quarantine Pass, No Entry
-Kutob lang sa 350 ang labing daghan nga makatambong sa kada Santos nga Misa.
-Kadtong nag edad ug 61 pataas ug 21 paubos dili tugtan nga maka sud sa Basilica
-Ang health protocol ug safety measures kinahanglan sundon sa tanan sud sa Simbahan.
Sigon sa Facebook page sa Simbahan, ipahigayon ang Misa sa Pilgrim Center ug makita sab kini sa live stream pinaagi sa Facebook Page sa Basilica ug sa YouTube Channel.
Una niini miluwat ug Executive Order si Cebu City Mayor Edgardo Labella nga magtugot sa mga simbahan sa syudad nga maka bukas ug dunay dili molapas sa 10 porsento sa kapasidad ang makasud, samtang ang mga kapilya tugtan ngadto sa 10 ang gidaghanon ang makasud.
Ang Dakbayan sa Sugbo gipaubos na sa General Community Quarantine sukad niadtong Agosto 1, 2020.
I via Jhon Tadlip
(Source: Basilica Minore Del Santo Niño FB page & Cebu City Public Information Office)