Subay sa pagsaulog sa CRS Month ang personahe sa Bjmp Dipolog City Jail Male Dormitory, naghatag ug school supplies ngadto sa upat ka kabus nga anak sa mga PDL niadtong Hunyo 27,2024 sa may alas 3:10 sa hapon, sulod sa pasilidad sa Bjmp Dipolog.
Ang maong inisyatiba ubos sa pagtugot ni JCINSP ARVIN DAN R AGUITO, City Jail Warden, SJO1 Sheila B Dela Victoria, Unit CRS Officer ug SJO1 Rechel M Ozaraga, Liason Officer/ Development Officer, diin mipahigayon sa distribution sa gikinahanglan kaayong school supplies- notebooks, pens, pad of papers, ballpens, journal, colored papers, eraser ug uban pa ngadto sa mga anak sa kabus nga PDL.
Tumong niini mao ang pagpaambit ug paghatag og balik sa komunidad, ilabi na ang pagsuporta sa mga kabatan-onan sa edukasyon.
Ang mga estudyante mipaabot sa ilang pasalamat ngadto sa mga personahe sa pasilidad ug ilabi na sa WARUBE Beauty Trends alang sa donasyon,nga usa ka gasa nga nahimong posible ang ilang suporta ug pagpuno sa ilang mga kasingkasing sa paglaum ug misaad sa pagtuon nga makugihon alang sa mas maayong kaugmaon. (Medalyn U. Borja)
(Source: Bjmp Dipolog City Jail Male Dormitory)