9 tripulanteng Pinoy na patungong Australia nagpositibo sa COVID-19

Nagpositibo sa coronavirus disease 2019 (COVID-19) ang siyam na tripulanteng Pilipino na lulan ng cargo ship na patungong Australia.

Batay sa Department of Health (DOH) West Australia, sakay ng naturang cargo ship ang nasa 20 mga tripulantengPilipino.

Ayon sa report na ipinalabas ng Australia, pito sa nasabing siyam na tripulanteng Pinoy ay nananatili sa cargo ship dahil kabilang anila ang mga ito sa operational skeleton-crew ng nasabing cargo ship.

Habang ang dalawa naman sa mga ito ay naka-quarantine na sa isang hotel sa Australia kasama ang ilan pang crew members ng nasabing barko.