Radio Philippines Network
Image default
DXKT Davao News Provincial News

89th Infantry (MAKATAO) Battalion, PA Nagpahigayon Sa IP Summit

Davao del Norte – Ang mga kaigsuonang Lumad nga sagad biktima sa pag-pangilad sa mga grupong mapahimuslanon sa mga Lumad sa ilang ka-inosente sa pipila ka mga balaod, mga kalambuan ug tabang sa Gobyerno, gihatagan ug mapadayunong tabang sa panggamhanan, uban sa 89th Infantry (MAKATAO) Battalion, pinaagi sa pagpahitabo og usa ka Indigenous Peoples’ Summit 2020 didtoa sa Bayanihan Hall, Headquarters mismo sa maong Battalion, sa Brgy. New Visayas, Sto. Thomas, Davao del Norte uban ang temang; “Nagkahiusang Tribu para sa Kalinaw ug Kalambuan sa Katawhan”.

Napahigayon ang maong panagtigum tungod sa mapuslanong paningkamot sa Bravo Company Commander nga si 1st Lieutenant Jefte A. Abbe (INF) PA uban usab ang kadaugang naangkon sa katawhang lumad sa Rehiyon X, partikular sa bukirang parte sa Quezon, Bukidnon pinaagi kay ARB Consultant – National Arnold “toto” Gomez. Ang maong kalihukan nagsubay gayud usab sa paningkamot sa gihisgutang Unit sa ilahang agresibong pagpatuman sa Executive Order (EO) 70, ang institutionalization of the “Whole Nation Approach” in Ending Local Communist Armed Conflict (ELCAC) pinanguluhan sa 1003rd Brigade Commander, BGen. Nolasco A. Mempin PA., uban ni 89IB BatCom LTC Silas D. Trasmontero INF (GSC) PA.

Ang maong pag panagtigum tinambungan sa dul-an ug usa ka gatos ka mga lig-ong Tribal Leaders nga nag gikan pa sa Tulo (3) ka Barangays sa Kitao-tao, Upat (4) sa San Fernando, parehong gikan sa Probinsiya sa Bukidnon. Upat (4) ka Barangay sa Paquibato District Davao City, Tulo (3) ka Barangays sa Sto. Thomas Davao del Norte.

Matud pa ni Bae Virgencita “Jinny” H. Coquilla, “niadtong 1990, nahitabo ang usa ka massacre sa among dapit, ug usa akong bana ang namatay diha anang hitaboa sa Kawilihan, Butong, Quezon – Bukidnon. Ako gikasakitan sa maong panghitabo, kay ang militar mismo sa Gobyerno sa Pilipinas kaniadto ang gigamit sa kumpanya para pamatyon kami atong panahona.” Dungag pa ni Bae Jinny, apan karun, malipayon siyang nabalik na ang salig niini sa Gobyerno tungod kay Mr. Gomez ug sa Bravo Company Commander nga usa usab gayud ka lumad nga si 1LT Abbe.

Nahimong panasidunggang bisita sa maong panagtigum pinaagi sa On – Line Live Feed, mao ang Direktor mismo sa National Anti-Poverty Commission (NAPC), Dr. John N. Lana, D.HUM – Director III, NAPC, uban ni Atty. Jesus V. Hinlo Jr., ang BOD sa Land Bank National Office. Anaa usab sa maong panagtigum ang NCIP Provincial Officer, Atty. Indalesio L. Diano nga naglakbit saysay sa IPRA Law ug uban pang mapuslanong katungod sa kaigsuonang Lumad. Nadungog sa maong panagtigum ang mga mensahe ug mga pangutana sa mga Lider sa Lumad pinaagi sa madasiganong pagdala sa pag inambitay ni 1LT John Jay L. Lara (QMS) PA – CMO.

Gihuman ang maong panagtigum pinaagi sa usa ka workshop, diin ang mga nahisgutang Lider sa mga kaigsuonang Lumad gipabuhat ug mga sulat hangyo, pangandoy uban ang mga reklamo nga boot nilang ipaabot sa National Office pinaagi ni ARB Consultant – National Arnold “toto” Gomez ug 1st Lieutenant Jefte A. Abbe (INF) PA. (Andrebon Obrero)

(Source: 89th Infantry (MAKATAO) Battalion)

Related posts

Peace And Order Number One Priority Ni Kuya Gob Sa Davao del Norte

RPN

Trashion: Fashion Out Of Trash

RPN

Police Senior Supt. Supiter pinaiimbestigahan na ang panibagong pamamaril sa Gensan

RPN News

This website uses cookies to improve your experience. We'll assume you're ok with this, but you can opt-out if you wish. Accept Read More