CAGAYAN DE ORO CITY- Moabot sa 87 ka mga kagay-anons nga bag-ong nahidangat sa syudad ang gimonitor karon sa City Health Office o CHO. Usa kini ka grupo sa mga contruction workers nga gikan sa Davao nga kasamtangang gipahimutang sa City Isolation Unit apil na sa mga mitambong sa training nga sakop sa Bureau of Fire Protection nga gikan sa Tacurong, Sultan Kudarat.
Nasayran nga ang mga contruction workers namauli kini tapos naundang ang ilang trabaho sa Davao tungod sa hulga sa Covid-19. Sa gisugilon ni Dr. Joselito Retuya, epidemiologist sa City Health Office nga hugot karon ang ilang pagbantay sa maong mga indibidwal.
Samtang sa pikas bahin, nagpadayon ang pagpahimangno sa City Health Office ngadto sa publiko nga dili magkompyansa bisan pa man sa pag-ubos sa ihap sa mga patient under investigation ug persons under monitoring tungod kay duna pay padayong gimonitor karong mga panahona lakip na ang mga contact persons sa mga naadmit sa Northern Mindanao Medical Center nga Severe Acute Respirtory Illness.