- Advertisement -
Arestado ang pitong Chinese national na kinabibilangan ng anim na lalaki at isang babae matapos tangkaing dukutin ang magkasintahang dayuhan sa Santa Cruz, Manila.
Batay sa ulat ng Manila Police District, nag-aabang ng sasakyan ang magkasintahang lalaking Chinese at babaeng Taiwanese matapos na hindi na makapasok sa isang fully booked na hotel.
Bigla na lamang huminto sa harapan ng mga ito ang isang van at pilit silang ipinapasok sa sasakyan.
Napansin naman ito ng guwardiya ng hotel at ibang residente sa paligid kaya agad nakahingi ng tulong mula sa pulisya.
Paliwanag ng mga biktima, wala silang ideya kung bakit sila pilit isinasakay sa sasakyan ng mga suspek na dati nilang nakatrabaho sa isang online casino.
- Advertisement -
