Cebu City – Gibutyag sa Police Regional Office Central Visayas (PRO) 7 nga dunay mokabat sa 65 ka mga police personnel nga nag positibo sa Covid-19, Agosto 10, 2021.
Kini maoy naghatud sa kinatibuk-ang active cases ngadto sa 104.
Matod ni Police Brigadier General Ronnie Montejo PRO- 7 Director, nga sa maong mga kaso 48 niini gikan sa Regional Training Center nga nahimutang sa lungsod sa Consolacion, lalawigan sa Sugbo.
Samtang sa Syudad sa Sugbo, miabot na ug 7 sa 15 ka mga hospital sa syudad nga gikonsidera nga naa sa critical level.
Kini maoy gipahibaw ni Cebu City Councilor Joel Garganera, ang Emergency Operations Center deputy Chief Implementer.
Gipahibaw ni Garganera nga ang critical care occupancy rate sa mga tambalanan sa syudad, miabot na sa 72 porsyento.
Bag-o lang, gihangyo sa kagamhanan sa Syudad sa Sugbo ang Archdiocese of Cebu pagtukod ug dugang lubnganan sa upat ka mga dagkong Catholic cemeteries sa syudad.
Gihangyo sa syudad balig ug 140 metros quadrados.
Samtang, Si Cebu City Acting Mayor Michael Rama mipa balik sa pagpatuman sa border controls.
Gi-limitan sa kagamhanan sa syudad ang movement sa katawhan alang lang sa work ug essential purposes. (Jhon Tadlip)
(Source: PRO- 7 | EOC-Cebu City | PRO-7 Cebu City)