Pagadian City – Di mu ubos sa lima ka sakyanan ang napunggitan human mangdaro sa kadalanan ang usa ka mini truck, alas 4 sa hapon Agosto 11 2021, didto sa B. Aquino Street ning dakbayan.
Usa ka Izuzu elp ang nagdala sa plaka nga JFC-921 nga nagkarga ug hollow blocks gipanag-iyahan ug gimaniho sa usa ka Allan Amis, minyo, hingkud ang pangidaron ug lumulopyo sa Dinas Zamboanga del Sur.
Matud pa sa driver nga gikan pa sya sa Labangan nagkuha sa kargamyento niini aron dad on sa Lungsod sa dinas. Mihapit kini sa sentrong bahin sa syudad ug samtang nagbyahe, kalit na lamang kini nga nawad an ug kontrol dihang di na matud pa mupaak ang brake sa sakyanan.
Gikan sa Plaza nga bahin sa dakbayan, naharos ang mga lumalabay nga motorsiklo lakip na ang naka parking sa daplin. Dugang pa sa gamaneho nga dihang nawad an syag kontrol, gipaningkamutan na lamang nya nga di makaangol ug daghan pa.Nahunong lamang ang dagan sa sakyanan dihang mipaak na ang preno niini.
Sa inisyal nga taho base sa mga saksi, lima ka sakyanan ang naangin ug duha ka tawo ang angol. Sa pagsulat niining report, padayon gihapon ang clearing operation sa lugar ug pag kontrol sa trapiko. (Bingo Villahermosa, photos courtesy of RPN DXKP Pagadian)