Anaa sa 60 ka mga indibiduwal ang naaresto sa gipahigayong serye sa anti-criminality ug law enforcement operations sa General Santos City Police Office, gikan July 23-31.
Sa impormasyon gikan sa GSCPO, sa maong ihap, 17 sa mga niini ang nasikop sa anti-illegal drugs operations ug 39 ang naaresto pinasikad sa mandamento de aresto sa managlahing kaso og upat ang nalambigit sa ilegal nga sugal.
Ang maong mga naaresto ang gilayong gipailawom sa booking procedures ug physical examination ug kasamtangang anaa na sa custodial facility sa kapulisan.
Gawas sa mga dinakpan, laing tulo pa ka menor de edad ang na-turn over sa GSCPO sa City Social Welfare Development Office.
Una nang giawhag ni City Police Director, P/Colonel Gilberto Tuzon ang mga residente sa siyudad sa padayong pagsalig sa kapulisan. (John Rey Somido)