Atol sa gipahigayon nga kasalan sa 60 ka paresan malipayon ug mabolokon ang kasaulogan sa “Valentines Day” gipahigayon niadtong Pebrero 14, 2025, diin nakasal ang 60 ka mga paresan atol sa gipahigayong “Twogether Forever” Mass Wedding sa may ala 1:00 kapin kun kulang ang takna sa hapon.
Ang kagamhanang lokal ning dakbayan pinanguluhan sa City Civil Registrar, ubos sa pagdumala ni Acting City Civil Registrar, Charmie A. Yu, didto sa Atrium Hall, Top Plaza Hotel, ning dakbayan sa Dipolog.
Ang maong selebrasyon ang anaa gayud sa presensya sa amahan ning dakbayan si City Mayor Darel Dexter T. Uy, isip Solemnizing Officer, inubanan usab sa pagtambong nila ni City Councilors Praxy Rubia, James Cyril L Ruiz III ug Philippine Dental Association-Dipolog City Chapter Pres. Dr. Ryan Neil Asprer, uban sa mga personahe gikan sa nagkalain-laing buhatan sa City Government, diin aduna usab silay mga tahas sa pagpahigayon ning nahisgutang nga aktibidad ingon man sa mga personahe usab gikan sa Philippine Statistics Authority (PSA).
Makita sa ilang mga panagway sa mga bag-ong kinasal ang ilang dakong kalipay, nga dugay na nilang gipangandoy ang mahiusa sa salag sa kaminyuon nga mahimo na gayud nga legal ang ilang panagtipon isip usa ka matawag nga magtiayon, human napahigayon ang nahisgotang seremonyas sa gikalatid sa atong balaod may kalabot na sa natad sa kaminyuon.
Ang maong selebrasyon ang anaa usab ang mga kahigalaan ug mga kaparyntehan diin malipayon usab nga misaksi sa paghiusa sa ilang mga kabanay ingon man mga sakop sa Media.
Kahinumduman nga kining nahisgutang nga “Twogether Forever” Mass Wedding diin matag singabot sa Febrero 14,kun Valentine’s Day nga sa matag abot sa tuig ang dugay nang gimugna sa kagamhanang lokal ning siyudad, sugod palang kaniadtong tuig 2010, ubos sa liderato sa kanhi City Mayor Evelyn T. Uy, ug nahimong tradisyon alang sa dakbayan nga ipahigayon hangtud ning kasamtangan, diin daku kini ug tabang sa mga katawhan kinsa walay kapasidad nga mogasto aron lamang ma legal ang ilang panag ipon tungod sa rason nga kulang sa pinansyal.
Sa pagtapos sa mga Seremonyas ang mga kinasal uban ni City Mayor Darel Uy, mga opisyales ug mga bisita gapahigayon ug libreng pagpahulagway pinaagi sa gipahimutang nga “Photo Booth”.
Natapos ang selebrasyon diin ang mga bag ong kinasal mipaabot ug dakung pasalamat ning maong kalamboan, ingon man ang ilang mga kaparyentehan ngadto kang City Mayor Darel Dexter T. Uy, ug sa kagamhanang lokal ning atong siyudad, tungod sa paghatag kanila ug tabang sa katumanan nga dugay na nilang gipangandoy ang paghiusa sa salag sa kaminyuon. (Angelica T. Obina)
(Source: Dipolog City Government)