Sarado ang 6 na kalsada sa Metro Manila para bigyang daan ang road reblocking at repair simula kahapon, Enero 24.
Ayon sa Metro Manila Development Authority (MMDA), apektado ang mga sumusunod na kalsada:
A Bonifacio Avenue at EDSA Bulacan street hanggang West Avenue sa Southbound.
Mula naman sa Quirino highway nightingale hanggang Zabarte road inner lane sa West bound.
General Luis Street Rebisco road hanggang Samote street at ikawalong lane mula sa labas outer sidewalk sa Elliptical road corner Maharlika street para naman sa East bound.
Apektado rin ang Katipunan avenue C-5 sa tapat ng UP Town center.
Inaabisuhan ang mga motorista na dumaan sa mga alternatibong ruta para makaiwas sa mabigat na daloy ng trapiko.
Samantala, tatagal ito hanggang sa 5:00 ng umaga sa Lunes, Enero 27.