Dugang unom (6) ka mga Delta variant cases ang nadugang na usab sa Cagayan de Oro diin usa kanila ang anaa pa sa isolation facility, samtang ang lima gideklarar nga clinically recovered na.
Matud ni Dr. Teodoro Yu Jr., medical officer sa City Health Office, upat ang molupyo sa Brgy. Lumbia, diin ang tulo (3) pulos sakop sa usa ka pamilya; usa anaa sa Brgy. Bulua; ug usa sa Brgy. Macasandig.
Gipasabot ni Dr. Ted Yu nga ang bag-ong 6 ka cases anaa na sa isolation facility ug giatiman na sa CDO LGU sa dihang gipadala ang ilang samples sa Philippine Genome Center sa kaulohan.
Subay niini, mikabat na sa 31 ka Delta cases ang natala sa Cagayan de Oro, diin recovered na ang kadaghanan kanila. (City Health Office)