Si Ericko Gilo Budlong, 25 anyos apo sa biktima mi kompirmar nga gilugos ang iyang apohan nga babaye,nga nailhan sa pangalan nga si Mrs. Elizabeth Lasco Budlong, 83 anyos ang panuigon,taga Barangay Talisay,Dapitan City sa may alas 11:30 sa kaudtuhon, Marso 17, 2025.
Matud pa sa apo nga si Ericko adtong higayuna wala pa siya makagikan ug lakaw sa balay iya pa kining gipakaon para paniudto ang iyang apohan, sa sayu pa anang mga alas 10:30 sa buntag sa maong adlaw sa gihapon apan wala sila nagtuo nga buhaton sa ilang silingan ang paglugos sa iyang apohan kay lagi tigulang naman kini.
Dugang saysay pa sa apo nga nakabantay usab ang laing silingan sa nahitabo nga maoy tigpanglipyo sa ilang panimalay diin nakita niya nga gipatongan na sa suspetsado nga giila sa pangalan nga alyas “Dagul”Cabreros, 60 anyos kapin kun kulang ang panuigon, nga maoy ga rape sa biktimang lola, nga gihubuan kini sa diaper ug sa dihang nasakpan gayud sa akto nga anaa sa ibabaw mipatong na ang nahisgutang suspetsado didto ni lola.
Matud pa sa apo mismo ang uban silingan usab naka witness kay anang higayuna anaa raman sila galingkod atubangan sa ilang balay ug sa dihang ang suspek dali kining misulod sa panimalay sa biktima. Ug daku nalang katingala sa mga silingan nga miaabot nalang ang 15 minutos gikan pagsulod wala paman migawas ang suspek sa maong balay. Adtong higayuna ang ubang silingan nga gapakabana daling gitawag ang sinaligang tig-limpyo sa balay sa biktima aron masuta kung gaunsa sa sulod ang suspek tungod kay nadugay man pag gawas.
Kahibaloan nga ang maong senior citizen dili na kini makasugakod ug barog ingon man dli usab makahimo sa paglakaw.
Dugang saysay pa sa apo nga mi sulay pa unta kini pag guyud sa biktima pasulod ug didto gihimo ang paglugos sa maog lola.
Human sa iyang gibuhat ang suspek pa simple lang migawas human sa hitabo ug lahos kining mipauli sa ilang balay nga duol ra usab sa panimalay sa biktima. Ning higayuna ang nagpakabana nga silingan dali dayung mitaho sa kapolisan sa Dapitan PNP.
Sa pagkakaron ang suspetsado ang anaa na sa kostudiya sa Dapitan City PNP ug kasamtangang magpaabot sa kasong ipahamtang batok kaniya.(Angelica T. Obina)
Source: DAPITAN PNP