Umad-adu dagiti agad-adal a maipapaayan ti tablet a kaspulanda iti “distance learning” a baro a Sistema ti edukasyon.
Naipaayan ita nga aldaw ti limapulo ket lima nga estudiantevmanipud iti nadumaduma a pagadalan ti probinsia iti nadakamat a “Gadget”.
Indauloan ni Gob. Matthew Marcos Manotoc ti pannakaibunong dagiti nasao a tablet iti Ilocos Norte National High School.
Inmatangan met dayoty dagiti principal ken pannakabagi dagiti eskuela a pagad-adalan dagiti nadakamat nga estudiante pakairamanan ti principal ti INNHS ken dagiti benepisiario.
Segun iti gobernador, dagiti nabenipisiaran nga setudiante keta gad-adal iti Nagrebcan national high school, Catagtagen National High School, Sarrat National High School Dumalneg National High School, Bagbag National High School ken San Marcelino National High School.
Inlawlawagna a natingiting a naimbag ti nakaipaayan dagiti nasao a gadget ken nadeterminar a karaman dagiti nabenipisiaran kadagiti kangrunaan a prayoridad a rumbeng a maipaayan.
Mainaig iti daytoy, mangnamnama ti gobernador nga usaren a naimbag dagiti maseknan nga estudiante dagiti naipaay kadakuada a tablet iti panagadalda.
(Irene Ringor, RPN DZRL Batac Correspondent)
(Source: Provincial Government of Ilocos Norte)