Zamboanga del Sur – Mikabat ug 54 ka mga benepesaryong mga estudyante ang nagpailawom sa ika upat (4) nga Special Program for Employment of Student kun SPES Orientation nga mga taga lungsod sa Dumalinao ug Guipos, adlawng Lunes Agosto 9, 2021, didto sa naandang lugar sa Zamboanga Motor Building, Rizal Ave. Pagadian City.
Unang gibatbat sa focal person sa Department of Labor & Employment kun DOLE alang sa SPES nga si Maribel Ramos ang tukmang buluhaton o pamatasan ilabina kon anaa sa pagatrabahuan ang mga estudyante kinsa pagahatagan ug trabaho sulod sa kawhaan (20) ka adlaw ubos sa maong programa. Makadawat ug sobra diesmil ka pesos isip sweldo ang mga SPES beneficiaries. 40% sa maong sweldo nagagikan sa DOLE samtang ang 60% gikan sa panudlanan sa lalawigan.
Gidasig usab ni Ronniel Garcines ang Acting Provincial Employment Services Office Officer ang mga estudyante nga maninuod sa pagtuon. Disto usab si ZDS 2nd district Board Member Raul Famor kinsa mipadingat sa iyang mensahe nga makigkutay sa mga Clustered Barangay Facilitators sa ilang lugar ilabina sa panahon sa nagkinahanglan ug serbisyu gikan sa probinsya.
Gipagula sa unika iha sa magtiayong Yu: Gov. Victor Yu Ug DS. Congw Divina Grace Yu nga si Victoria YU ang talento sa mga partidipante sa maong aktibidad diin gipakanta sa gipili nilang awit nga nakapahugyaw sa mga kauban niining mga estudyante. Mihatag usab sa iyang mensahe si ZDS Youth President Yu nga misugid sa kaagi isip estudyante sa iyang amahan ug inahan kinsa mipailawom usab sa SPES sa dihang kolehiyo pa siya.Gibutyag usab niya nga dili tungod sa SPES lagmit nga dili magkaila ang iyang ginikanan. Ug wala nagmakuli si Gov. Yu nga pagadawaton ang maong programa sa DOLE: SPES aron matabagnan ang mga estudyante ilabina sa ilang pangmatrikula, gani ginan sa gatusan nga mga SPES benepesaryo karon duha na kini ka libo.
Wala gipalabay ang kahigayunan sa mga mitambong nga mohangyo ug usa ka awit gikan sa pamunong lalawigan nga wala pakyasa sa gobernador human sa iyang paghulagway sa probinsya kanhi kumpara sa lalawigan karon ilawom sa iyang liderato. Apan ang labing gimithi sa Gobernador ug sa iyang kapikas nga puhon inig mahuman ang estudyante kinsa mipailawom sa maong programa ng madungog gikaniini ang pulong sa pagpasalamat, dili lamang alang kanila kon dili kang Secretary Bello sa DOLE ug kang Presidente Rodrigo Roa Duterte kinsa maoy naghatag niining programa.
(Source: ZDS Press Bureau, photo courtesy of Victory Zamboanga del Sur)