31.9 C
Manila
Saturday, April 13, 2024

51 Anyos Nga Abogado Gibanhigan Patay Duol Sa Iyang Law Office Sa Cebu City

- Advertisement -

Cebu City – Patay ang usa ka abogado nga gipusil gahapon sa hapon ; unom ka semana lang gikan sa pagbanhig sa laing manlalaban sa dakbayan sa Lapu-Lapu.

Ang  Integrated Bar of the Philippines o IBP-Cebu City mikompirmar nga si Atty. Joey Luis Wee gibanhigan atubangan sa iyang buhatan sa brgy. Kasambagan.

Ang nahitabo kang Wee aduna lay gintang nga usa ka buwan ug duha ka semana sa pagbanhig kang Atty. James Joseph Gupana sa Lapu-Lapu nga naluwas hinuon sa kamatayon.

Subay niini, gipanghimaraot sa IBP-Cebu City ang pagtumba kang Atty.  Wee gawas sa iyang law office.

Giawhag sa grupo ang mga imbestigador paghatag og hustisya sa gidangatan ni Wee.

Segun sa statement, gihulagway sa IBP Cebu City nga ang pag-atake sa ilang kauban sa legal profession maisip nga pag-atake sa tibuok legal community.

Base sa pasiunang report sa kapolisan sa Mabolo, giluthang si Wee samtang naglakaw paingon sa hagdanan sa building sa dan J. Panis sa Kasambagan diin nahimutang ang iyang buhatan nianang ala 1:30 sa hapon.

Ang 51 anyos nga abogado gihatod pa sa duol nga pribadong ospital apan paglabay sa pipila ka oras namatay. (Jhon Tadlip/JTY,  photo courtesy of Atty Wee’s Law firm)

(Source: Cebu City Police Office | IBP- Cebu City Chapter)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -