Dungan sa selebrasyon nan Elderly Filipino Week nung Martes, Oktubre 8, 2024, nakadawat sab nan libreng bugas an mga Senior Citizen gikan sa lain lain na barangay.
Sa pag padajon nan MPD SERVES Program (Multisectoral Protection and Development Services and Initiatives) nan Lokal na Panggamhanan sa Surigao, 500 ka mga senior citizen an nakadawat nan tag isa ka sako na bugas na may luon na napuyo (10) ka kilo.
An mga napili na mga benefeciaries gikan sa barangay nan Washington, Luna, sanan San Juan.
An MPD SERVES usa ka inisyatibo sa Lokal na Panggamhanan sa Surigao na nagpalujo dili lamang sa mga Senior Citizens kon dili lakip sab an iban na mga sektor na nagkalisod sa ila panginabuhian.
Si City Vice Mayor Alfonso S. Casurra, City Social Welfare and Development Officer Lenie S. Liray, Assistant City Social Welfare and Development Officer Mark Caven Salar, sanan CGSO Consultant Perfecto Consigo mitambong sa programa.
Ini na programa ni Mayor Paul Dumlao naghatag nan pagtagad sa mga senior citizen sanan sa mga Batang Surigaonon para matabangan sa ila panginahanglanon sanan para sab sa kalambuan nan siyudad.
(Source: Surigao City PIO)