Dakung pasalamat sa mga seafarers kon mga seaman human nga gihatagan kini ug prioridad sa Maritime Industry Authority regional office 12 sa pagpanguna ni Regional Director Annabell Lagas sulod sa SM City Gensan karong adlawa June 25,2021.
Matud pa sa maong labaw sa MARINA 12 nga gipahinungod karong adlawa para sa mga seafarers kon mga seaman isip nanginabuhi sa dagat sakay sa barko domestic ug international shipping companies maoy hinungdan nga ilang gihangyo sa City health Office sa pagpanguna ni Dra. Jet Oco nga mabakunahan ang 50 ka mga seaman.
Samtang nasayran usab sa pakighinabi kang Captain Aguilar ug tag – iya sa Polytechnic College ning syudad sa Gensan nga daku kaayo ug tabang ang bakuna sa mga seafarers tungod lain-lain nga puerto sa mga nasud ang ilang dungguan aron mahimo kining luwas gikan sa covid 19 virus.
Dugang gikanayon ni Captain Aguilar nga bisan pa man sa pandemya maayo gihapon ang plastada sa panginabuhi sa mga seaman karong panahona apan gikinahanglan lamang nga mosunod sa mga health protocol.
Nagpasalamat kini sa pamunuan ni Pangulong Rodrigo Duterte ug ubang ahensiya sa gobyerno ilabina sa MARINA sa pag alalay sa mga seafarers sa nasud ug sa Maritime industry. kauban sa maong vaccination ang tanang staff sa Marina 12 sila Engineer Erol Aranas, Atty. Delfin ug uban pa. gipasalamatan usab ang tahdumala sa SM City Gensan isip venue sa maong bakuna kauban ang DOH 12.
(Roniel Degorio – RPN Gensan News Correspondent)