Lima ka mga kandidato ang nagkompleto sa pagkuha sa nag-unang pwesto sa Cagayan de Oro samtang duha ka mga kandidato ang alang sa pagkabise mayor sa syudad.
Ang mga kandidato gikan sa dagkong political parties sa CDO ang miduso sa ilang Certificates of Candidacy kagahapon, Oktubre 17 nga maoy katapusan pagfile sa COCs.
Ang mga magpapili pagka mayor mao sila si Benjamin Tiu Contreras, Felix Borres, Candy Darimbang, incumbent Mayor Oscar Moreno ug Jose Gabriel “ Pompee” La Viña kinsa katapusan na nga mifile sa iyang COC.
Alang sa pagka bise mayor, sila si incumbent Vice Mayor Rainier Joaquin Uy ug kanhi mayor Vicente “Dongkoy” Emano ang nakasang-at sa COC kagahapon.
Adunay tulo ka Congressional candidates mao ang mosunod: 1st District: Roland “Klarex” Uy (PDP-Laban), Gil Banaag sa Partido Federal ng Pilipinas ug kanhi Vice Mayor Ian Acenas nga nagrepresentar sa Coalition sa Padayon Pilipino ug Centrist Democratic Party.
Alang sa ikaduhang distrito, ang PDP Laban mipadagan kang Barangay Chairman Alam Lim pagka kongresista samtang si Rufus Rodriguez mosulay sa iyang kapalaran subli silong sa Padayon-CDP Coalition pagka Kongresista sa ikaduhang distrito sa CDO.