Itinakda ngayong araw ang pagtatapos ng 5 araw na ceasefire sa pagitan ng Estados Unidos at Turkey sa Syria.
Bago ito matapos ay nakipagpulong ang mga opisyal ng Turkey at Russia hinggil sa panibagong kasunduan.
Ang kasunduan ay hinggil sa tuluyang pagpapaalis ng mga Kurdish fighters sa Syria.
Kasama rin dito ang panukalang pagtatayo ng isang “safe zone” sa Syria.
Nakapaloob din sa kasunduan na hindi papapayagan ng 2 bansa ang kahit na anong “separatist agenda”.
Matatandaang ibinaba ang ceasefire sa Syria para bigyang daan ang mapayapang pag alis ng Kurdish fighters sa naturang bansa.