30.9 C
Manila
Friday, March 29, 2024

48 Ka Mga Narekober Sa Kasundaluhan Nga Landmine, Gipailawom Sa Safe Detonation Sa Makilala North Cotabato

- Advertisement -

Davao City – Gipailawom sa Safe Detonation ang 48 ka mga Improvised Explosive Device nga gipasiugdahan sa 11th Forward Service Support Unit, 10th Infantry Aguila Division Philippine Army kauban ang Explosive Ordnance Division Team lakip ang mga sakop sa 39th Infantry Battalion.

Gihimo ang nahisgutang disposal sa mga EID dili pa lamang dugay didto sa Quarry Site Purok 5 Barangay Singkatulan, Makilala North Cotabato mga gisaksihan usab sa mga sakop sa mga Tigbalita kauban ang Tri-media Organization for Peace and Alliance kun TROPA- Mindanao.

Sumala pa ni Ltc. Clarence Garrido ang Commander sa 11th Forward Service Support Unit, Army Support Command nga ang mga nahisgutang Improvise Explosive Devices ginama sa PVC Pipe nga dunay sulod nga mga round bars nga sinagulan ug nagkalain laing matang sa kemikal.

Nasayran nga ang nahisgutang mga IED narekober sa nagkalain laing unit sa Kasundaluhan ilawom sa 10th Infantry Division Philippine Army gikan sa mga dapit nga diin gipangtanom sa mga komunistang New Peoples Army.

Samtang ang ubang IED ang gilakip sa mga misurender nga mga NPA kinsa buot nang magpuyo nga malinawon uban ang ilang tagsa tags aka mga Pamilya.

“IEDs have always been a part of the Communist Terrorist Group’s arsenal used to impede humanitarian and government assistance to the civilian populace,” sumala pa ni ni Ltc. Clarence Garrido.

Dugang pa ni Garrido nga ang Improvised Explosive Device ginagamit usab sa mga teroristang NPA alang sa pagpakita ug pwersa nga grabeng makamugna ug kadaut sa mga kabtangan ug ikalas sa kinabuhi sa mga sibilyan nga supak usab sa sa international humanitarian law.
(10th Infantry Division, Philippine Army | Michael Manguhig, RPN DXKT Davao OIC)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -