CAGAYAN DE ORO CITY- Kwarentay otso ka mga establisemento sa Northern Mindanao ang permanenti na nga mosira sa ilang operasyon gumikan sa epekto sa coronavirus disease pandemic gikan niadtong Hunyo 17 base kini sa report kagahapon sa National Economic Development Authority o NEDA sa Northern Mindanan. Matud pa ni NEDA-10 Assistant Director Leonila Cajarte nga ang pagsira sa maong mga negosyo nakaapiktar sa 813 ka mga trabahante.
Sa pikas bahin, adunay 15 ka mga establisemento ang temporaryong nagsira nga nakaapekto sa 424 ka mga empleyado samtang 103 ka mga kompaniya ang mipakunhod sa ilang workforce diin 1,409 ka mga trabahante ang naapektuhan.
Sa pagkakaron adunay 2,700 ka mga workers sa entiro Northern Mindanao ang naapektuhan sa health crisis.
Gidugang usab pagreport sa NEDA-Northern Mindanao nga adunay 542 ka mga insfrastructure projects sa rehiyon ang naapektuhan sa pandemic.
