Dakpan sa buy-bust ang 48 anyos nga lalaki human maka-lapas kini sa R.A. 9165 kun Dangerous Drugs Act of 2002 pinaagi na sa Drug Enforcement Unit sa Claver Municipal Police Station nga gipangulohan ni PMaj. Lutgardo Galido ug sa Surigao Del Norte PDEA Provincial Office.
Natigayon ang operation niadtong Abril 6, 2019 sa may alas 5 ang takna sa hapon didto sa may P-3 Brgy. Daywan, Claver, Surigao Del Norte nga mi-resulta sa pagka-dakop sa suspected drug personality nga si Edgar Parian nga residente sa P-2 Brgy. Ipil, Gigaquit, Surigao Del Norte.
Nakumpiska sa posisyon sa suspek ang usa ka heat transparent plastic sachet sa suspected shabu gipalit sa nagpatuo nga poseur-buyer gikan sa suspek nga gibana-banang motimbang sa 0.05 ka gramos sa kantidad Php 590.00, kwarta sa kantidad Php 3,000, tulo ka heat sealed transparent plastic sachet sa suspected shabu nga gibana-banang motimbang sa 0.3 sa kantidad Php 3,540.
Sa pagka-karon, ang suspek lakip na ang mga nakumpiska nga mga ebedensiya gidala sa PDEA Region 13 sa dakbayan sa Butuan.