27.9 C
Manila
Tuesday, April 16, 2024

43rd National Disability And Prevention Ug Rehabilitation Week Gipahigayon

- Advertisement -

Malampusong gipahigayon ang “43rd National Disability and Prevention ug Rehabilitation Week”  nga uban sa tema’ng “Kalusugan at Kaunlaran ng Pilipinong May Kapansanan, Isulong sa Gitna ng Pandemya” kagahapon, Hulyo 21didto sa Brgy. Miputak Covered Court ning dakbayan sugod sa may alas-9:00 sa buntag. Ang maong kalihokan ang gipangunahan sa buhatan sa City Social Welfare and Development uban sa pagkigtambayayong sa Technical Education and Skills Development Authority (TESDA), tanan dinhi sa dakbayan.

Tumong sa nasangpit nga kalihokan ang pagbansay sa mga Persons With Disabilities kon PWDs sa proseso sa “bangus deboning” kon pagkuha’g bukog sa bangus nga mahimong usa ka mapuslano’ng kahanas aron mahatagan sila og panginabuhian atol sa gapadayon nga pandemya.

Ang maong kalihokan ang gitambongan nila ni City Vice Mayor Horacio B. Velasco, kinsa mirepresentar kang City Mayor Darel Dexter T. Uy, City Social Welfare and Development Officer, Ms. Arlene O. Jatico, Miputak Punong Barangay, Hon. Elena T. Gamalinda, TESDA Provincial Director, Ms. Miraluna N. Baje-Lopez ug Person with Disability Affairs Office (PDAO) PWD President, Mr. Rosario D. Daymiel, kinsa mipabati sa ilang tagsa-tagsa ka mga mensahe, pasalamat ug panglantaw kabahin sa importansya sa pagpanglimbasog sa panahon sa kalisod bisan pa adunay mga kabilinggan.

Lakip usab sa mitambong gikan sa TESDA sila si Vocational Instruction Supervisor, Mr. Neil A. Pulido, Ms. Maria Liza G. Lee, kinsa silbi’ng mibansay sa mga partisipantes sa “bangus deboning”, ug OIC – Vocational School Administrator Dipolog School of Fisheries, Mr. Licinio G. Lañojan.

Nasayran nga baynte singko (25) ka mga partisipantes gikan sa upat (4) ka mga barangay dinhi sa dakbayan (Brgy. Sta. Isabel, Miputak, Barra ug Estaka) ang nakapahimulos ning maong “one-day training” sa “bangus deboning”.

(News and photo courtesy of CITY INFORMATION OFFICE, DIPOLOG CITY GOVERNMENT Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -