Cagayan de Oro City – Sa tinguha nga mapalig-on ang kapasidad sa contact tracing, link analysis ug uban pang mga lakang pagpakgang sa coronavirus disease, 42 ka mga frontliners sa rehiyon ang mopailawom sa pagbansay-bansay uban ni National Inter Agency Task Force Contact Tracing Czar Benjamin Magalong sugod niadtong Huwebes.
Atol sa Normin Covid-19 Response Task Force Press Conference, si Department of Health-10 Director Dr. Adriano Suba-an nagsugilon nga ang training mag-apil na sa cognitive interviewing skills apil na ang mga personahe gikan sa Philippine National Police and Health Workers. Ang mga partisipantes gipili pag-ayo gikan sa lima ka mga probinsya ug duha ka highly urbanized cities sa rehiyon.
Ang cognitive interviewing susama kini sa questioning technique nga himuon sa PNP sa pagretrieve sa impormasyon labot na sa krimen gikan sa eyewitnesses ug mga biktima. Kini nga technique epektibong magamit sa pagkuhag impormasyon labot na sa Covid-19 patients ug sa mga tawo nga ilang nahalubilo.
Matud pa ni Director Subaan nga ang maong lakang nagtinguha sa pagpalig-on sa kapasidad sa LGU sa pagtubag sa covid-19 cases sa ilang tagsa-tagsa ka dapit, maoy hinungdan nga masubsob ang ilang pagpili sa mga partisipantes ug ilang gisiguro usab nga marepresentahan gayod ang matag probinsya.
Niadtong Agosto 19, ang rehiyon aduna nay 953 ka mga konpirmadong kaso sa Covid-19 diin 513 niini ang nakarecover, 14 ang nakabsan sa kinabuhi. (Recthie T. Paculba)
(Source: Philippine Information Agency X)