Cagayan de Oro – MALIPAYON ang 2,000 ka mga kabos nga pamilya sa Cagayan de Oro human midawat og cash assistance nga balor og P3,000 lakip ang 2,000 ka mga estudyante gikan sa University of Science and Technology of Southern Philippines (USTP) kinsa midawat usab og cash assistance nga balor og P5,000 gikan sa Department of Social Welfare and Development atol sa gipahigayon nga Assistance to Individuals In Crisis Situations kon AICS payout ubos sa inisyatiba ni Senator Imee Marcos, Nobyembre 26, diha sa USTP Gym, ning siyudad.
Ang mga pamilya gikan sa Barangay Bayabas, Bonbon, Carmen, ug Kauswagan.
Kini gitambongan mismo ni Senator Imee Marcos, CSWD Community Social and Development Division Head Joan Acraman
ug USTP President Ambrosio B. Cultura II.
Ang kalihokan nahimong posible pinaagi sa tabang sa mga personahe sa DSWD X, CSWD, USTP ug kapolisan.
Tumong sa maong payout nga mahatagan sa gagmay’ng hinabang ang mga low-income families ilabina kadtong mga estudyante.
Nasayran usab nga ang kalihokan kabahin sa pagsaulog ni Senator Imee Marcos sa iyang adlaw’ng natawhan.
News and Photo courtesy of Cagayan de Oro City Information