Ugdaw sa kalayo ang mukabat 4 ka panimalay human mibusikad ang gasul didto sa may Zone-2, Canitoan ning syudad gahapon sa hapon.
Ang sunog nag-gikan sa panimalay nga gipanag-iyahan ni Mary Jean Castro ug naapil kasunog ang katapad nga panimalay nila ni Corazon Castro, Analiza Castro ug Mario Magnanao.
Base sa imbestigasyon ni Pagatpat Sub-station Ground Commander FO2 Causin nga mokabat sa 10 mil pesos ang structural damages nga dala sa maong kalayo.
Maabtikon usab nga mitunol sa hinabang ang LGU Canitoan alang sa mga pamilya sa biktima sa sunog ug kasamtangan silang mihikling sa Covered Court sa Brgy. Canitoan.
News by Cheleste Simene