HEPE SA COCPO PS2 GIPUSIL PATAY SA WALA MAILANG SUSPETSADO

Nagpadayon karon ang imbistigasyon sa kapulisan sa pagpamusil patay sa usa ka hepe sa Cagayan de Oro City Police Office (COCPO) nga na assign sa Police Station 2 Cogon didto sa may Greenhills, Brgy. Bulua ning syudad sa Cagayan de Oro bandang alas 11 sa kagabihion niadtong Sabado Octobre 5, 2024.

Biktimang pulis mao si COCPO PS2 COGON STATION COMMANDER PCPT ABDULCAHAR BACARAT ARMAMA. Matud sa City Director sa COCPO nga si Police Colonel Salvador Radam nga Tulo ka anggulo ang gilantaw sa Kapulisan sa motibo sa pagpusil Patay sa biktima.

Gimanduan na karon ni City Mayor Klarex Uy si COCPO City Director Police Col. Salvador Radam nga paspasan ang pagresolba sa kaso ug lauman ang pagmugna sa usa ka task force sa maong insidente aron matumbok ang tinuod nga motibo ug ang mga suspek mismo sa maong krimen dungan ang paglusad sa hot pursuit operation.

Gikondena usab sa bag-ong Regional Director sa Police Regional Office Region 10 nga si BGen Jaysen de Guzman ang maong panghitabo.