Cagayan de Oro – Mokabat sa 3,442 ka magtiayon gikan sa nagkadaiyang barangay sa Cagayan de Oro ang nakapahimulos sa libreng kasal atol sa ‘Kasalan ng Bayan’ ni Mayor Klarex Uy sukad Agosto 25, 2022 hangtud Nobyembre 25, 2023.
Kini usa sa mga highlights sa ‘Klarex nga Serbisyo sa Baryo’ program ubos sa administrasyon ni Mayor Klarex Uy kansang tinguha sa mayor nga makasal ang mga magtiayon nga dugay nang nagpuyo apan wa’y igong ikagasto sa pagminyo.
Nasayran sa matag ‘Kasalan Ng Bayan’, ang matag magtiayon makadawat sa libreng cake, lechon ug wine gikan ni Mayor Klarex Uy, lakip libreng grocery packs ug bugas, hotel accommodation gikan sa pipila ka mga sakop sa 20th city council.
Ang maong programa nahimong posible ubos sa paningkamot sa City Civil Registry, uban sa Philippine Statistics Authority, City Mayor’s Office, Community Improvement Division ug City Public Services Department ug uban pa.
News and photo courtesy CIO CDO