General Santos City – Malipayong gidawat sa 34 ka grupo/asosasyon sa dakbayan sa Gensan ang P11 milyones nga kinatibuk-ang kantidad sa SLP-Sustainable Livelihood Program gikan sa DSWD-Region 12 nga gipahigayon sa Oval Gymnasium ning dakbayan kagahapong adlawa.
Ubos sa maong Programa, miabot gayud ngadto sa P11 milyones ang naapod-apod sa 34 ka grupo, diin moabot sa 684 ka indibidwal gikan sa dakbayan sa General Santos City ang makabenepisyo niini.
Sa mensahe ni Mayor Pacquiao, iyang gidasig ang mga lungsuranon sa pagduol sa gobyerno aron sila matabangan pinaagi sa nagkalain-laing programa ug serbisyo nga gitanyag sa lokal nga kagamhanan. (Rem Agdon)
(Source: CMO)