CAGAYAN DE ORO CITY- Moabot sa 313 nga adunay nagkalain-laing kasupakan sa balaod nasikop sa police stations sud sa Police Regional Office (PRO-10) sa Amihanang Mindanao sud sa tulo(3) lamang ka adlaw nga operasyon. Kini nahasulod sa gihimong simultaneous Aggressive Police Operations o SAPO gikan Enero 27-30, matud pa ni Police Brigadier General Rolando Anduyan, ang Regional Director.
Sa 313 ka mga naaresto, 112 ang nalambigit sa ginadiling druga, 14 ang most unwanted persons, 168 ang wanted persons, 19 illegal gambling ug 27 ka mga armas ang nakompiska ug gisurender.
Natala usab sa rehiyon ang pagrescue sa mga minor de edad sa pagpatuman sa laws and local ordinances sa rehiyon sama na lamang sa 193 ang nidakop human nasapon nag-inom sa pampublikong lugar, 13 nadakpan sa kasupakan sa smoking ordinance, 31 maaresto sa paghukas sa publiko ug 185 ka mga minor de edad ang nakasupak sa oras sa curfew.
Tinguha karon sa kapolisan nga magfocus sa seguridad ug kaluwasan sa communidad pinaagi sa agresibong pag-implementar sa mga balaudnon sa ilang tagsa tagsa ka dapit aron kapungngan ang posibleng krimen nga matigayon.