Cebu City – Mokabat ug 30 ka mga panimalay ang nasunog sa Sitio Club Kawayan sa Barangay Mambaling, syudad sa Sugbo sayo sa buntag sa adlawng Lunes, Marso 15.
Gibutyag ni Senior Fire Officer 1( SFO1) Riza Julve sa Cebu City Fire Office nga nadawat nila ang alarma sa sunog alas 5:22 sa buntag.
Giisa kini sa 2nd alarm human sa 6 minutos sa wala pa kini ma butang sa under control nianang pagka alas 6:18 sa buntag.
Hingpit nga na pawong ang kayo pagka alas 6:57 o milanat ug lkapin sa oras ang maong sunod.
Gibana bana nga moabot ang danyos ug P150 mil ngadto sa 200 mil pesos.
Matod ni Julve nga ang kayo giingong nagsugod sa panimalay sa usa ka Rabin Siacor nga ginama sa light materials.
Dali kining mikatap sa silingan nga balay ug na apil ug ka sunog ang ubang mga istraktura sud sa 300 square meter nga lugar.
Sigon pa sa maong fire officer nga swerte nga way bisan usa nga na injured o nakalas sa maong sunog, samtang sagad sa mga residente nangatulog pa niadtong higayona. (Jhon Tadlip/JTY)
(News & photo courtesy of Cebu City Fire Office)