Ta ase enbuscada el mga autoridad con un persona quien alegaomente ya tajia con su mismo subrino na costa este del ciudad, asegun con el policia local del Miercoles.
El policia local ya nombra con el persona que ta ase enbuscada del mga autoridad como si Alvin Arriola, 40 años el edad.
Asegun con el policia local, si Arriola alegaomente ya tajia con su subrino si Edmar Arriola, 27 años el edad mga alas 6:54 del Martes na Sitio Ontong, Barangay Quiniput, 48 kilometros este del ciudad.
Base na investigacion, antes del incidente, ta man tomahan el man tio y subrino y ta man cuento-cuento.
Asegun con el policia, derepente ya tajia si Alvin con Edmar na brazo usando un agudo bolo cuando ya man purpiahan sila mientras ta man tomahan el dos.
Con Edmar ya lleva na hospital para en curada medical mientras si Alvin ya escapa y objeto ahora del enbuscada del policia.
(B. Garcia)
