Patay ang tatlong pulis at sugatan ang tatlong iba pa sa isang ambush sa national highway, Brgy. Napolidan, Lupi, Camarines Sur.
Nakilala ang mga nasawi na sina SPO1 Percival Rafael, PO3 Carlito Navarroza at PO1 Ralph Jason Vida.
Ayon sa mga otoridad, ang mga biktima na police escorts ni Food and Drug Administration (FDA) Director General Nela Charade Puno ay sakay ng isang PNP patrol car nang tambangan ng halos 20 rebelde.
Kaagad namang naka-responde sa lugar ang mga tauhan ng First Camarines Sur PPSC at nakipagpalitan ng putok sa mga rebelde dahilan kayat nakatakas ang mga suspek.
Patungo sana ang mga pulis sa Daet, Camarines Norte nang maganap ang ambush na Ikinasugat naman nina PO1 Jonathan Perillo, PO1 Ruby Buena at PO1 Rodolfo Gonzaga.
(with report from Jill Resontoc)
3 pulis patay, 3 sugatan sa nangyaring ambush sa Lupi, Camarines Sur kaninang umaga.
Ang mga nasabing pulis ay security escort ni FDA Dir. Gen. Nela Puno na papunta sanang Daet, Camarines Norte | via @JILLRESONTOC pic.twitter.com/0qYx3CfWMb— DWIZ Newscenter (@dwiz882) October 18, 2018
