Davao del Sur – Arestado ang tulo ka giilang regional target sa drug watchlist sa Davao Province atol sa drug buy-bust operation sa mga sakop sa Digos City Police Station sa Purok Chico, Luna Gomez St., Brgy. Zone 3, Digos City.
Giila ni Police Captain Diosdado Niosnes II ang mga dinakpan nga silas Roy Cadungog alyas Palaman, drug den maintainer ug ika-4 sa listahan, Vonifer Tabanao alyas Von, top 4, John Pdette Lim alyas Jhon-Jhon, top 7 sa drug watchlist.
Napalitan ang mga suspek ug usa ka ka pakete sa gituohang shabu kantidad og P1,000 pesos samtang nakuha sab sa ilang possession ang laing siyam (9) ka mga pakete. shabu paraphernalia ug usa ka cal. 38 homemade revolver.
Himad rehas ang mga dinakoan ug magatubang sa kasong paglapas sa RA 9165 Comprehensive Dangerous Drugs Act of 2002. (Camille Santos Naraga)
(Source: Digos City Police Station)