2nd Quarter Meeting, alang sa ZN- PCPC, napahigayon sa Dipolog

0
8
(Photo courtesy of Provincial Government of Zamboanga del Norte)

Napahigayon na usab dinhi sa dakbayan sa Dipolog ang 2nd Quarter Meeting alang sa Zamboanga del Norte Provincial Council for the Protection of Children (PCPC) nga gipahigayon sa Plenary Hall, Ground floor sa ZNCEC, ning syudad sa Dipolog niadtong Hunyo 20, 2024.

Ang maong quarter meeting ilawom sa PCPC Functionality Assessment and Four Legacies for Children nga adunay temang โ€œLocal Development for Children, Local Investment Program for Children, Local Code for Children and Local State for Childrenโ€™s Reportโ€.

Naglatid kini sa presentasyon sa accomplishment report para sa Social Protection Program of Children diin gihatagan kini ug gibug-aton ug gituki ilabina sa mga butang nga may kalabotan sa Survival’s health and nutrition, Developmental education, Protection and welfare, ug Participation for the community involvement.

Si OIC – PDRRMO Mr. Norman M. Alegarbes kinsa mao ang nangulo sa konseho ug mihimo sa inisyatiba sa paghisgot sa internal nga mga operasyon sama sa pagbasa ug/o pagsagop sa Agenda ingon man ang pag-atubang sa bag-ong agenda sa negosyo, ilabi na ang feedback sa bag-o lang nga gipahigayon, diin gitambungan kini ni OIC – PSWDO Mr. Alex Z. Sabal kauban ni Mr. Alegarbes nga parehong miyembro usab sa konseho nga mao usab ang nirepresentar sa Gobernador ning lalawigan sa Zambonga del Norte nga si Governor Rosalina “Nanay Nene” Jalosjos.

Sumala pa ni Ms. Racquel T. Jumig sa Regional Committee for the Welfare of Children (RCWC), kining tanan nga mga inisyatiba mahinungdanon sa pagpanalipod sa mga katungod ug kaayohan sa mga bata. (Medalyn U. Borja)

(Source: Provincial Government of Zamboanga del Norte)

Leave a Reply