Gihangyo ni Dr. Lorraine J. Nery, acting city health officer ang mga anaa sa A1 priority group o workers in frontline health services nga natupukan sa unang dose sa COVID-19 vaccines nga maghulat lang sa text gikan CDO Vaccination Data Management Center alang sa kompirmasyon sa petsa, oras ug asa nga vaccination sites alang sa ilang ikaduhang dose.
Samtang miabot na sa 5,147 ka mga senior citizen ang nakadawat sa unang dose sa Sinovac vaccines sa gipahigayong vaccine rollout niadtong Abril 29, Abril 30, Mayo 3, 4 ug 5.
Sa laing bahin nangayo usab og dispensa si Mayor Oscar S. Moreno sa kapin 140 ka mga senior citizens nga nakaabot sa vaccination site nga wala mabakunahi sa ila untang schedule adlaw’ng Miyerkules, Mayo 5.
Gipasabot ni Mayor Moreno nga ang maong panghitabo usa ka kaso sa ‘communication gap’ ug gipasalig niini nga dili na kini subling mahitabo.