Cagayan de Oro City – Nahitabo ang pipila ka oras nga disinfection sa usa ka presinto sa police tapos natakbuyan sa COVID-19 ang entiro pwersa nga adunay 27 ka police officers dinhi sa dakbayan sa Cagayan de Oro. Matud pa ni City Health Epidemiologist Dr. Joselito Retuya nga pagkapositibo sa 27 ka miyembro sa Cogon Police Precinct gitest nila gamit ang real-time reverse transcription polymerase chain reaction test.
Sa dihang nakonpirmar ang maong taho nga dali kaayong mikuyanap ang Covid-19 virus sa kapolisan, ang mga doctors midali dayon pagbalhin ngadto sa laing police precinct sa Puntod diin 41 ka mga police ang gisuspetsahang natakbuyan sa maong sakit. Sa pagkutlo ning maong report, gipaabot pa ang resulta sa swab tests nga gihimo sa 41 ka mga police.
Matud pa ni Cagayan de Oro City Police spokesperson Ivan Viñas nga tanang nainfected pulos mga asymptomatic, matud niya, ang 27 ka mga police officers nga gikwarantina ang gipangpulihan sa bag-ong set sa mga law enforcers gikan sa Cagayan de Oro Police Office Mobile Force.
Sumala pa ni Viñas nga kasamtangan nilang gipalig-on pa ang pagpatuman sa health protocol tapos natakbuyan ang daghanang mga police officers sa Cogon, ang pinakabusy nga dapit tungod sa merkado sa Cogon ning dakbayan. (Cagayan de Oro City Police Office)
