Cebu City – Miabot na sa 254 ka business establishments sa syudad sa Sugbo ang na-inspect ning semanaha ug duna nay 60 ka mga establishments ang nakalapas sa lagda sa minimum health protocol.
Basi kini sa record sa Cebu City Operations Center Task Force.
Nonot kini sa way hunong nga pag-monitor sa City Government sa ilang compliance.
Sagad sa mga naka lapas ang mga establisemento nga nagpahigayon ug tapok tapok nga walay social distancing o kalapasan sa minimum public health standard.
Lakip na ang violation sa Curfew ordinance.
Pipila sa mga nasakpan nga nakalapas niini mao ang usa ka high end bar sa ika 21 nga andana nga Condo sa Bario Luz.
Maisip kini nga dunay labing daghang nadakpan-kapin sa 200 ka indibidwal.
Duna say nakalapas sa Mango Avenue nga naka violate ug sa Barangay Kasambagan ning Syudad.
Subay niini, duna nay gipadalhan ug show cause order ug gitakdang dunay mga patigayon nga ma suspenso ang operasyon o kaha masirado sa hingpit depende sa gravity sa sitwasyon. (Jhon Tadlip/JTY)
(Source: Cebu City PIO | Emergency Operations Center | PROBE)
