Cagayan de Oro City – Â Mapasalamaton ang 25 ka micro cooperatives sa Cagayan de Oro human mitambong sa “Cooperative Good Governance Seminar” bag-ohay lang nga gipasiugdahan sa Community Improvement Division.
Malampusong napahigayon ang seminar pinaagi ni CID officer- in-charge Marisa M. Tagarda; Rodger M. Zerna, CID Cooperative Coordinator; Councilor Enrico D. Salcedo, chair sa Committee on Cooperatives; ug Dave J. Pajaron Jr., general manager sa Philippine Federation of Credit Cooperative Mindanao League.
Sumala ni Zerna ang nasangpit nga seminar usa usab ka requirement sa Cooperative Development Authority ngadto sa mga kooperatiba.
Dugang usab niini nga ang CID maoy natahasan sa paghatag assistance sa mga micro coops pinaagi sa paghatag og trainings/seminars.
Atol sa seminar, mihatag usab og virtual presentation ang personahe gikan sa Development Bank of the Philippines nga naghisgot kalabot sa Bayanihan Act 2 ug mga programa nga makabenepisyo ang mga micro coops ning syudad.
Gisiguro usab ni Zerna nga adunay assigned safety officer nga maoy nagpatuman sa health safety protocols sama sa pagsul-ob og face mask, physical distancing ug uban pa.
(City Information Office)