2,200 housing units tukoron sa Klarexville 1

0
3

Cagayan de Oro – Makunhoran na ang gidaghanon sa housing backlog ning syudad sa higayon nga matukod ang mokabat 2,200 housing units diha sa Klarexville 1, Pamalihi Barangay Pagatpat human mipirma og Memorandum of Agreement (MOA) si Mayor Rolando `Klarex’ Uy ug mga kadagkuan sa Social Housing Finance Corporation (SHFC) didto sa Kaulohan sa niaging semana.
Si Mayor Klarex mao mismo ang mipahibalo niini nga kalambuan atol sa Klarex nga Serbisyo sa Baryo (KSB) adlaw’ng Sabado Mayo 25, 2024, didto sa Barangay Balubal.
Kini nga kalamboan ang gikalipay ni Mayor Klarex uban ang pagpasalamat sa mga kadagkuan sa SHFC nga kanunay nagsuporta sa housing program sa syudad.
Gibutyag ni Mayor Klarex nga dili lang kutob sa Klarexville 1 ang matukod apan moabot kini sa Klarexville 13 nga gilaumang makahatag og desenteng pinuy-anan sa kuwalipikadong informal settler families (ISFs).
Samtang gitin-aw ni Mayor Klarex nga dili siya ang nagbuot nga pangalanan og Klarexville ang maong relocation site kondili ang SHFC.

 

News and photo courtesy of CIO CDO

Leave a Reply